澳門手信 女仔大愛迷你杏仁餅 食得斯文送禮見得人


上星期同老公去澳門旅行,真係開心又好滿足!首先要讚下老公,揀間酒店非常合我心意,其次嘅係我恨咗好耐,終於可以過嚟買到我最鍾意食嘅迷你杏仁餅喇,以前次次嚟澳門都一定要買,喺我心目中英記餅家嘅迷你杏仁餅絕對係澳門必買手信首選!

我鍾意迷你杏仁餅原因好簡單,就係款式多而且用料好充足!好似我最鍾意食嘅迷你瑤柱杏仁餅,除咗用優質綠豆同埋美國杏仁外,每一粒仲加入咗精選嘅元貝,所以好鮮味,完全唔同傳統杏仁餅嘅感覺!而我老公最鍾意嘅迷你杏仁餅係黑芝麻味,因為加咗花生醬同芝麻粉,啲芝麻粉好香好濃,所以成個杏仁餅味道好濃郁,啱曬啲鍾意食芝麻嘅人,仲有佢哋最出名嘅海藻糖健怡杏仁餅,做杏仁餅可以做到咁健康,用海藻糖代替蔗糖,係澳門手信中好少見嘅,甜甜地嘅杏仁餅感覺好新穎,而且迷你版真係啱曬我哋啲女仔食,次次嚟到每款都要買兩三盒,因為我未返到香港已經起碼食完一盒喇!

其實呢啲味道,除咗迷你版外,都有正常嘅大塊版,但係我就偏愛迷你杏仁餅呢!因為我覺得啱曬女仔同小朋友食,啱啱好一啖一口,唔怕食到周身餅碎,最重要係連個唇膏都唔會整花,就算喺街或者搭船食,都可以食得好優雅嘛!仲有呀,細細粒唔會好飽肚,一次可以食多幾種味,感覺超滿足呀!

除咗自己食之外,我成日都同人講,迷你杏仁餅係澳門必買手信呢!做得手信要送禮畀人,個包裝梗係要見得人啦!坊間嘅杏仁餅包裝通常都比較大紅大紫,感覺好傳統,所以我特別鍾意英記餅家嘅設計清清地,主要用嘅色調好清雅,啱曬後生仔送禮,個感覺好年輕好文青!呢個都係我估唔到英記餅家呢啲老字號,竟然可以做得個設計咁Young,好食之餘仲要有外表,仲唔係澳門手信嘅首選!!